|
Vel tókst til með fyrstu tilraunina á að halda námskeið utan höfuðborgarsvæðisins. Prjónakonur á Selfossi eru greinilega alveg jafn nýjungagjarnar og þær á höfuðborgarsvæðinu og troðfylltu fyrstu tvö námskeiðin. Nú er svo komið að ég er með biðlista fyrir þær sem hafa áhuga og þegar ljóst verður að nógu margar sýna námskeiðinu áhuga verður boðið upp á tvö námskeið til viðbótar. Endilega hafið samband og látið mig vita svo ég geti farið að finna dagsetningar fyrir næstu námskeið - framhaldið er í ykkar höndum. |
|
Búið er að setja niður námskeið í Nálinni 26. ágúst og 2. september. Skráning fer fram í Nálinni eða í gegnum netið: nalin hjá nalin punktur is. Eins og venjulega þá er námskeiðið yfir tvö kvöld með viku millibili. |
|
Þá fer að koma að því, námskeiðin eru að fara að byrja. Þegar er búið að skipuleggja námskeið á Selfossi (í Tryggvaskála) miðvikudagskvöldið 3. og 10. september. Skráning fer fram í gegnum tölvupóst:
Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það.
og eins er hægt að fá allar nánari upplýsingar á sama stað. Elín. |
|
Eftir að hafa fengið athugasemdir og ábendingar eftir síðustu námskeið tók ég þá ákvörðun að í framtíðinni verða námskeiðin kennd í tvennu lagi, 2 tímar í senn með viku millibili. Þannig eiga þau að nýtast betur. Búið er að setja niður námskeið 13. og 21. maí, og svo 15. og 22. maí. Skráning fer fram í versluninni Nálinni eins og áður og fer kennslan fram þar líka. |
|
|
Námskeiðatörninni er lokið í bili og ég komin í smá frí. Þetta voru mjög ólíkir en skemmtilegir hópar sem ég var að kenna, og gaman að sjá hversu margir eru áhugasamir um The Magic Loop aðferðina til að prjóna tvo smærri hluti á einn langan hringprjón. Ég fékk skemmtilegar athugasemdir og upp kom sú hugmynd að skipuleggja kaffihúsahitting þegar ég kem úr fríinu til að gefa þeim sem hafa verið á námskeiðinu tækifæri til að hittast aftur, sýna hvað þær hafa verið að gera og líka til að rifja aðeins upp ef eitthvað hefur gleymst í millitíðinni. Þangað til og auk þess er að sjálfsögðu tilvalið að kíkja í prjónakaffið sem Heimilisiðnaðarfélag Íslands stendur fyrir og er á kaffihúsinu Amokka í Kópavoginum fyrsta fimmtudag í hverjum mánuði. Ég reyni alltaf að mæta þegar ég get og vil ég endilega hvetja þær ykkar sem hafa mætt á námskeiðin til að kíkja á mig og spjalla. Það verða fleiri námskeið þegar ég kem úr fríinu, og hugsanlega eitthvað nýtt til að sýna og kenna. |
|
Síðustu tvö viðbótarnámskeiðin eru full, þriðjudaginn 5. febrúar 2008 milli kl 7 og 10 og laugardaginn 16. febrúar kl 3.30-6.30. Þetta eru síðustu viðbæturnar í þessarri lotu en námskeiðin munu að sjálfsögðu verða endurtekin í vor og haust. |
|
|
Orðið er yfirfullt á viðbótarnámskeiðið laugardaginn 9. febrúar auk þess sem fullt er á upphaflega námskeiðið 12. febrúar. Í ljósi þess höfum við ákveðið að bjóða upp á annað viðbótarnámskeið sunnudaginn 10. febrúar milli kl 12.30 og 3.30. Ef þið hafið áhuga þá fer skráning fram í versluninni Nálinni á Laugarvegi eða í gegnum netfangið nalin hja nalin punktur is. |
|
Sökum mikillar eftirspurnar hefur verið ákveðið að halda viðbótarnámskeið í Nálinni laugardaginn 9. febrúar milli kl 3 og 6. Hafið samband í versluninni eða í gegnum netfangið nalin hja nalin . is til að skrá ykkur. |
|
|
|
|
|
|
Síða 1 af 2 |