Námskeið í Nálinni 12. febrúar 2008  Senda hlekk á þessa síðu til vinar

Námskeið verður í Nálinni, Laugavegi, 12. febrúar 2008 frá kl 7 til 10. Kennt verður hvernig hægt er að prjóna tvo smærri hluti á einn langan hringprjón í stað þess að nota sokkaprjóna. Þessi aðferð er mjög vinsæl í Bandaríkjunum og gengur þar undir nafninu The Magic Loop, en hún hefur enn ekki náð fótfestu hér á Íslandi.

Mjög þægilegt er að nota þessa aðferð til að prjóna sokka og vettlinga, handstúkur og jafnvel ermar - en með því að prjóna báða hluti í einu losnarðu við það sem kallað hefur verið "seinni-sokka-syndrómið", þ.e. að seinni sokkurinn er annað hvort ekki prjónaður eða endar nokkuð ólíkur þeim fyrri. Báðir hlutirnir eru prjónaðir eins, umferð fyrir umferð og tilfinningin er jafnvel sú að það gangi fljótar að prjóna því báðir hlutirnir eru tilbúnir á sama tíma.